TAUROCATHAPSIA

TAUROCATHAPSIA

Graece Ταυροκαθάψια, a ταῦρος et καθάπτομαι, apud Graecos nomen Ludi ac certaminis, quorum mentio vix ulla in Veterib. libris. Reperit in marmore ex Graecia Asiaticâ pridem allato, quod in hortulo Musaei sui Carmelitici se habere cum figuris ac Inscr. hac ΤΑΥΡΟΚΑΘΑΨΙΩΝ ΗΜΕΡΑ, docet Seldenus memoratus, loc. cit. §. 9. Thessalorum ibi cum tauris certamen, de quo dicemus paulo post: ex Capitolino, voce Taurus, repraesentatur, quô Ταυροκαθάψια utique indigitar, etiam ex ipsa voce discas. Unde forte sine ratione ludum hunc alio nonnulli trahunt. Sed et Salmasius, foeneas illas imagines vel pilas, quibus ad pugnandum in Ludis Romanorum tauri proritabantur, quasque hi discerpebant ac lacerabant cornibus, Pilas taurarias vocari in veterib. Glossis, et exponi Ταυροκαθάπτας, adnotat ad Spartian. in Pescennio Nigro, c. 12. Vide de illis hîc passim, ubi de Poeneis nominibus, in Pila prima nec non in Taurus.